لو يرجع بيا الزمان واللى راح يرجعلى تانى تانى
واللى ضاع من عمرى كله هبديه واعيشو تانى تانى
كنت هعمل حساب لبكره كنت هبدأ من جديد
كنت افكر الف مره قبل ما الاحزان تزيد
والقى نفسى خسرت نفسى القى نفسى خسرت نفسى
والندم مبقاش يفيد
كنت هبقى حد تانى الخير ماليه حد راضى باللى مقسوم بس ليه
واللى ضيعتو بأيديا وبرضايا كنت هعرف قيمتو واحافظ عليه
عمرى كنت هعيشو فى النور ويا ناسى مش هخلى عشانى حد فى يوم يقاسى
وادى ضهرى للى خلى قلبى يقوى خلانى اخسر نفسى وابقى عنيد وقاسى
لو يرجع زمان وكل اللى كان
كانت حاجات اتغيرت ولقيت مكانى
كنت هجرى على امى وابكى وابوس ايديها
وابقى عايش عمرى كله بس ليها نفسى ترجع بيا ثانيه وتسامحنى
ياما خليت الدموع تجرى فى عنيها
وانت يابا ياللى كنت خايف عليا شوفت منى كتير وبردو نصحت فيا
كنت اسمع كل كلمه قولتهالى وارمى من قلبى اللى مات كل القسيه
لو يرجع زمان وكل اللى كان
كانت حاجات اتغيرت ولقيت مكانى
كنت هبنى حالى من اول واحاسب للقى نفسى فى دنيا قاسيه مليش حبايب
واللى فكرو هيبقى سدنى وهيساعدنى فجأه القاه بين ايديا ضعيف وشايب
كنت هعمل بيت صغير يبقى ليا القى فيه ايدين تطبطب يوم عليا
كان هيبقى ليا حد عايش عشانه حضن دافى يشيل همومى ولو شويه
لو يرجع زمان وكل اللى كان
كانت حاجات اتغيرت ولقيت مكانى
بس اه ويا ميت خساره على اللى كان عمره ما بيرجع بضهره الزمان
ادى حالى اللى معملتش حسابه سبنى وحدى بين عذاب واربع حيطان
الدموع فى عنيا واللى فى قلبى اااه ايوه ميت بس على قيد الحياه
واللى بكره هسيبو بعدى يبقى زكرى ورقه بيضه اسمها شهاده وفاه
لو يرجع زمان وكل اللى كان
كانت حاجات اتغيرت ولقيت مكانى
.gif)
مسآهمآتي ||
التقييم
•بلُدِي •|
الجنس
العمل
.gif)
