يا واش يا واش يا مرجيحة
متصدهاشي يا مرجيحة
دي صبية حلوة ومليحة
لكن يا عيني منكسرة و جريحة
قاعدة عالزراعية و مستنية
حبيبها الغايب من زمن
وعنيها بتبكي دما
وعيالها حواليها جوعي وعطشى للحرية
يا واش يا واش يا مرجيحة
متصدهاشي يا مرجيحة
يا واش يا واش عليهم يا عمدة
دول ناس غلابة و جثث هامدة
و برغم البلا والظلم
صابرين بنفوس شاكرة وحامدة
يا واش يا واش يا مرجيحة
متصدهاشي يا مرجيحة
ما بزياداك بقى يا عمدة
دي قبضتك عليهم جامدة
ده الحلم جواهم انتحر
ونص بلدنا بقت غفر
واللى يتنفس ولّا يشكي
لازما راح ياخد الطريحة
يا واش يا واش يا مرجيحة
يا واش يا واش عليهم يا باشا
عصرت الناس ف الكماشة
وكل ما يزيد قرشك
اخدت قوتنا ودمنا
فاضل ايه راح تحطه ف كرشك
نفسنا نرتاح ولو ثانية
بتدي اليومية من هنا
وتاخدها من الناحية التانية
وجاي تقول ده لصالحنا
الله يقطعها دي نصيحة
يا واش يا واش يا مرجيحة
متصدهاشي يا مرجيحة
ما كفاية بقى يا مرجيحة
دوختينا وتعبتينا
عاوزين نغمض شوية عنينا
ونحل ببيت وشجرة وعيشة مريحة
كفاية بقى يا مرجيحة
.gif)
مسآهمآتي ||
التقييم
•بلُدِي •|
الجنس
العمل
